ভবসাগরের নাইয়া
মিছা গৌরব করো রে
পরার ধন লইয়া
একদিন তোমার যাইতে হবে
এই সমস্ত থইয়া রে
পরার ধন লইয়া ॥
পরার ঘরে বসত করো
পরার অধীন হইয়া
আপনি মরিয়া যাইবায়
এই ভব ছাড়িয়া রে
পরার ধন লইয়া ॥
কী ধন লইয়া আইলায় ভবে
কী ধন যাইবায় লইয়া
ভবে আইয়া ভুলিয়া রইলায়
ভবের মায়া পাইয়া রে
পরার ধন লইয়া ॥
বাউল আবদুল করিম বলে
মনেতে ভাবিয়া
মন্ত্র না জানিয়া ঠেকলাম
কালসাপিনী লইয়া রে
পরার ধন লইয়া ॥